இந்த ஆண்டிற்கான ரோயல் ரம்பள் மல்யுத்தப் போட்டி இன்று(29.1.2012) நடந்துமுடிந்துள்ளது. அதில் வளர்ந்துவரும் இளம் மல்யுத்த வீரர் ஸீமஸ் வெற்றி பெற்றிருக்கிறார். இவர் புகழ்பெற்ற மல்யுத்த வீரரான கிரிஷ் ஜெரிகோவை வெளியேற்றியதன் மூலம் இந்த வெற்றியைப் பெற்றார். வேர்ல்ட் ரெஸ்லிங் எண்டர்டைன்மண்ட் எனும் அமெரிக்க மல்யுத்த நிறுவனம் ஆண்டுதோறும் இந்தப் போட்டியை நடாத்தி வருகிறது. இது பட்டல் ரோயல் எனும் மல்யுத்த வகையை சார்ந்த போட்டி. முப்பது போட்டியாளர்கள் களமிறங்கும் மேடையில் வெளியே விழாமல் தப்பி பிழைப்பதே போட்டி விதிமுறை. வெற்றி பெறுபவருக்கு ரெஸ்ட்ல்மேனியா என்னும் பிரம்மாண்ட போட்டியில் வாய்ப்பு கிடைக்கும்.
இந்த வருட போட்டியில் கலந்துகொண்டோரில் குறிப்பிடத் தக்கவர்களாக முன்னைய மல்யுத்த சாம்பியன்களான மிக் ஃபொலி, பூக்கர் டீ, கிரிஷ் ஜெரிகோ, 2009ம் ஆண்டு ரோயல் ரம்பள் வெற்றியாளர் ராண்டீ ஓர்டன் மற்றும் பிக் ஷோ ஆகியோர் திகழ்கின்றனர். மல்யுத்த ஜாம்பவான்களான அண்டர்டேகர், படிஷ்டா, டிரிபிள் எச் மற்றும் எனக்கு மிகவும் பிடித்த ரே மிஷ்ரீரியோ ஆகியோர் கலந்துகொள்ளவிட்டாலும் இந்த போட்டி மிகவும் சுவாரசியமாகவும் தரமானதாகவும் காணப்பட்டது.
மேலும் தகவல்களுக்கு-http://en.wikipedia.org/wiki/Royal_Rumble_2012
No comments:
Post a Comment